പണം വാങ്ങി വോട്ട് നല്‍കുന്നവര്‍ സ്വന്തം വിരല്‍ കൊണ്ട് സ്വന്തം കണ്ണില്‍ കുത്തുകയാണെന്ന് തമിഴ് ചലച്ചിത്ര നടന്‍ വിജയ്. പത്ത്, പ്ലസ് ടു പരീക്ഷകളില്‍ ഉന്നത വിജയം കരസ്ഥമാക്കിയ വിദ്യാര്‍ത്ഥികളെ ആദരിക്കാനായി വിജയ് ആരാധക സംഘടന വിജയ് മക്കള്‍ ഇയക്കം സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം. നാളത്തെ വോട്ടര്‍മാരാണ് നിങ്ങള്‍ എന്നു പറഞ്ഞുകൊണ്ടാണ് തെരഞ്ഞെടുപ്പ് രാഷ്ട്രീയത്തിലെ മോശം പ്രവണതകളെക്കുറിച്ച് വിജയ് സംസാരിച്ചത്.
ഒരു വോട്ടിന് 1000 രൂപ വെച്ച് കൊടുക്കുന്നവര്‍ ഒന്നര ലക്ഷം പേര്‍ക്ക് അത് കൊടുക്കുന്നുണ്ടെങ്കില്‍ അത് 15 കോടി രൂപയായെന്ന് വിജയ് പറഞ്ഞു. നിങ്ങള്‍ വീട്ടില്‍ ചെന്ന് മാതാപിതാക്കളോട് പറയണം ഈ കാശ് വാങ്ങി വോട്ട് കൊടുക്കുന്നത് അവസാനിപ്പിക്കണമെന്ന്. നിങ്ങള്‍ പറഞ്ഞാല്‍ നടക്കും. നിങ്ങളെ പിന്തിരിപ്പിക്കാന്‍ പലരുമുണ്ടാകും. നിങ്ങളുടെ മനസ്സ് പറയുന്നതുപോലെ പ്രവര്‍ത്തിക്കണം വിജയ് കൂട്ടിച്ചേര്‍ത്തു.
Post a Comment