കുറ്റ്യാടി : മൈലാഞ്ചി കൊണ്ട് കൈകളിൽ വിസ്മയം തീർത്ത് സ്കൂൾ വിദ്യാർത്ഥിനികൾ . മൊഞ്ചേറും ഡിസൈനുകളുമായി കുട്ടികൾ നിരന്നപ്പോൾ കാണികൾക്കതൊരു മനോഹര കാഴ്ചയായി. കുറ്റ്യാടി ഗവ: ഹയർ സെക്കണ്ടറി സ്കൂളിലെ ഹൈസ്കൂൾ വിദ്യാർത്ഥിനികളാണ് മൈലാഞ്ചിമൊഞ്ചിന്റെ വർണ്ണക്കാഴ്ചയൊരുക്കിയത്.
കുറ്റ്യാടി ഗവ: ഹയർ സെക്കണ്ടറിയിലെ അലിഫ് അറബിക് ക്ലബിന്റെ ആഭിമുഖ്യത്തിലാണ് മത്സരമൊരുക്കിയത്. ഒരു മണിക്കൂർ സമയം കൊണ്ടാണ് കുട്ടികൾ മൈലാഞ്ചിയിട്ടത്. എട്ട് ഒൻപത് പത്ത് ക്ലാസുകളിൽ നിന്നായി അമ്പതോളം പേരാണ് മത്സരത്തിൽ പങ്കെടുത്തത്.
മത്സരത്തിന് അസ്ഹർ എ, ശമീം അലി, റഹീല തുടങ്ങിയവർ നേതൃത്വം നൽകി.
Post a Comment