.jpeg){kind=spacer}
ചൊക്ളി: നിർമ്മാണ പ്രവൃത്തി നടക്കുന്ന വീട്ടിൽ മോഷണത്തിനിടെ മാരകായുധങ്ങളുമായി മോഷ്ടാവിനെ നാട്ടുകാരുടെ സഹായത്തോടെ പോലീസ് പിടികൂടി. പൊന്ന്യം പുല്ലോടിയിലെ കുളപ്പുറത്ത് ഹൗസിൽ പി.എം. നാസറിനെ(55)യാണ് പോലീസ് പിടികൂടിയത്.കഴിഞ്ഞ ദിവസം രാത്രി
പെരിങ്ങത്തൂർ കല്ലറ മടപ്പുര ഭാഗത്ത് താമസിക്കുന്ന പ്രദീപൻ്റെ ഉടമസ്ഥതയിലുള്ള നിർമ്മാണ പ്രവൃത്തി നടക്കുന്ന വീട്ടിലാണ് പ്രതി മോഷണത്തിനെത്തിയത്. അസമയത്ത് വീട്ടിൽ വെളിച്ചം കണ്ടതിനെ തുടർന്ന് വീട്ടിൽ പരിശോധന നടത്തിയ നാട്ടുകാരാണ് മോഷ്ടാവിനെ കയ്യോടെ പിടികൂടിയത്.തുടർന്ന് പോലീസിൽ വിവരമറിയിക്കുകയായിരുന്നു.
സ്ഥലത്തെത്തിയ പോലീസ് മോഷ്ടാവിൽ നിന്നും ഇരുമ്പ് കട്ടർ, കൈയ്യുറകൾ ,മുഖംമൂടി ഹെഡ് ലൈറ്റ് ടോർച്ച് തുടങ്ങിയ ആയുധങ്ങൾ കണ്ടെത്തി കസ്റ്റഡിയിലെടുത്തു.പോലീസ് സംഘത്തിൽചൊക്ലി സ്റ്റേഷൻ പോലീസ് ഇൻസ്പെക്ടർ ഷാജു.സി. എസ്.ഐ.മാരായ സുനിൽകുമാർ, സന്തോഷ് ലാൽ ,സിവിൽ പോലീസ് ഓഫീസർമാരായ സരുൺ ,രൂപേഷ് എന്നിവരും ഉണ്ടായിരുന്നു. അറസ്റ്റ് ചെയ്ത് കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
Post a Comment