കുറുന്തോടി തുഞ്ചൻ സ്മാരക ലൈബ്രറിയുടെ നേതൃത്വത്തിൽ വിവിധ കർമ്മ പദ്ധതികളുമായി വായന പക്ഷാചരണം ആരംഭിച്ചു
എം.പി.ഗംഗാധരൻ സ്മാരക പ്രതിഭ പുരസ്കാര ജേതാവ് ഭഗത് തെക്കേടത്ത് ഉദ്ഘാടനം ചെയ്തു . ലൈബ്രറി പ്രസിഡണ്ട് കെ.എം.കെ.കൃഷ്ണൻ അധ്യക്ഷത വഹിച്ചു. പി.കെ.അബ്ദുൾ റഷീദ് മാസ്റ്റർ പി.എൻ .പണിക്കർ സ്മാരക പ്രഭാഷണം നടത്തി .ജില്ല ഇൻഫർമേഷൻ ഓഫീസിൻ്റെ നേതൃത്വത്തിൽ നടത്തിയ ജില്ല തല ക്വിസ് മത്സരത്തിൽ ഒന്നാം സമ്മാനമായി ലഭിച്ച 2500 രൂപയുടെ പുസ്തകങ്ങൾ ഭഗത് തെക്കേടത്ത് ,തുഞ്ചൻ ലൈബ്രറിക്കു സംഭാവന നൽകി . ലൈബ്രേറിയൻ ഒ.എം.ഗീത പുസ്തകങ്ങൾ ഏറ്റുവാങ്ങി .വി.ബാലൻ കല്ലേരി രചിച്ച ഓർമ്മകളുടെ പുസ്തകം ഗ്രന്ഥകാരനിൽ നിന്നും ലൈബ്രറി പ്രസിഡണ്ട്ക.എം.കെ.കൃഷ്ണൻ ഏറ്റുവാങ്ങി ടി.കെ. ഇന്ദിര ടീച്ചർ സ്വാഗതവും , ടി.പി.രാജീവൻ നന്ദിയും പറഞ്ഞു
Post a Comment