വടകര എം യു എം വൊക്കേഷണൽ ഹയർ സെക്കൻഡറി സ്കൂൾ വിഎച്ച്എസ്ഇ വിഭാഗം നാഷണൽ സർവീസ് സ്കീം പൂർവ്വ വിദ്യാർത്ഥികളുമായി സഹകരിച്ച് ജൂൺ 14 ലോക രക്തദാന ദിനത്തിൽ രക്തദാന ക്യാമ്പ് സംഘടിപ്പിച്ചു.വിഎച്ച്എസ്ഇ പൂർവ വിദ്യാർത്ഥികളായ 15 ഓളം പേർ വടകര സഹകരണ ആശുപത്രി ബ്ലഡ് ബാങ്കിൽ രക്തം ദാനം ചെയ്തു.പ്രിൻസിപ്പാൾ സി.കെ അബ്ദുൽ വഹാബിന്റെ അധ്യക്ഷതയിൽ ചേർന്ന ചടങ്ങ് വടകര നഗരസഭ വൈസ് ചെയർമാൻ സജീവ് കുമാർ ഉദ്ഘാടനം നിർവഹിച്ചു.ബ്ലഡ് ബാങ്ക് ഇൻചാർജ് ഷൈനി രക്തദാനത്തിന്റെ മാഹാത്മ്യത്തെക്കുറിച്ച് ക്ലാസ്സ് എടുത്ത് സംസാരിച്ചു. ടി കെ റിയാസ് അഹമ്മദ്, ടി പി റഹീം എന്നിവർ ആശംസകൾ നേർന്നു സംസാരിച്ചു.ചടങ്ങിന് നാഷണൽ സർവീസ് സ്കീം പ്രോഗ്രാം ഓഫീസർ മുഹമ്മദ് ഷംസീർ എഫ്.എം സ്വാഗതവും പി. വി. മുഹമ്മദ് ഷനൂദ് നന്ദിയും രേഖപ്പെടുത്തി.
Post a Comment