വായനശാലയ്ക്കൊരു പുസ്തകപൊതി പദ്ധതിക്ക്തുടക്കമായി.

 വായന മാസാചരണത്തോടനുബന്ധിച്ച് സദ്ഭാവന ബുക്സ് ആഭിമുഖ്യത്തിൽ വായനശാലയ്ക്കൊരു പുസ്തകപൊതി പദ്ധതി മടപ്പള്ളി ഗവ.ഫിഷറീസ് എൽപി സ്കൂളിൽ സംസ്കാരസാഹിതി സംസ്ഥാന ജനറൽ സെക്രട്ടറി സുനിൽ മടപ്പള്ളി ഉൽഘാടനം ചെയ്തു. സ്കൂൾ ലീഡർ ഫാത്തിമത്തുൽ തൻഹ പുസ്തകപൊതി ഏറ്റുവാങ്ങി. ഒഞ്ചിയം ഗ്രാമ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശാരദ വത്സൻ അധ്യക്ഷത വഹിച്ചു. ഹെഡ്മാസ്റ്റർ ഇ.പ്രസന്നകുമാർ, അധ്യാപകരായ ടികെ.മനോജൻ, കെ.ശ്രീജിന, എംപി.സജിമ, പി.ഷീന, എ.അഞ്ജന എന്നിവർ പ്രസംഗിച്ചു. വായനാമാസാചരണത്തിൽ തിരഞ്ഞെടുക്കപ്പെട്ട സ്കൂൾ, കോളേജ്, ഗ്രാമീണ വായനശാലകൾക്ക് ഒരു ലക്ഷം രൂപയുടെ പുസ്തകം സൗജന്യമായി നൽകുന്നതാണ് പദ്ധതി.