ഹിന്ദി അധ്യാപകർക്ക് ഐ ടി പരിശീലനം നൽകി
വടകര: ഹിന്ദി അധ്യാപക മഞ്ച് (എച്ച് എ എം)ൻ്റെ നേതൃത്വത്തിൽ വടകര, ചോമ്പാൽ ഉപജില്ലയിലെ ഹിന്ദി അധ്യാപകർക്ക് ഐ ടി പരിശീലനം നൽകി. എസ് ജി എം എസ് ബി സ്കൂളിൽ നടന്ന പരിശീലന ക്ലാസ് എച്ച് എ എം സംസ്ഥാന കമ്മിറ്റി അംഗം കെ ബിമൽ ഉദ്ഘാടനം ചെയ്തു. പാഠഭാഗങ്ങൾ ഐ ടി ഉപയോഗിച്ച് കുട്ടികൾക്ക് ആസ്വാദ്യകരമാക്കാനുള്ള പരിശീലനമാണ് അധ്യാപകർക്ക് നൽകിയത്.സി സുനീഷ് കുമാർ ,നവനീത് എന്നിവർ ക്ലാസെടുത്തു.ചടങ്ങിൽ ഉപജില്ല പ്രസിഡൻ്റ് എം സിദ്ദീഖ് അധ്യക്ഷത വഹിച്ചു.ജില്ല ജോ സെക്രട്ടറി വി കെ സതീഷ് കുമാർ, ഉപ ജില്ല സെക്രട്ടറി ഡി സജിത്ത് ,ഇ സി സുരഭി എന്നിവർ സംസാരിച്ചു.
Post a Comment