പാലക്കാട്: ഒന്നര വർഷം മുമ്പ് മരണപ്പെട്ടയാൾ ഗതാഗത നിയമലംഘനം നടത്തിയെന്ന് നോട്ടീസ്. പാലക്കാട് സ്വദേശി വിനോദിന്റെ വീട്ടിലാണ് നോട്ടീസ് ലഭിച്ചത്. വിനോദിന്റെ മരിച്ചുപോയ പിതാവ് ഓടിച്ച ഇരുചക്ര വാഹനത്തിന്റെ പിൻസീറ്റ് യാത്രക്കാരിക്ക് ഹെൽമറ്റ് ഇല്ലെന്നാണ് എ ഐ ക്യാമറ കണ്ടെത്തിയിരിക്കുന്നത്.
89-ാമത്തെ വയസിലാണ് വാഹന ഉടമയായ പാലക്കാട് കാവൽപ്പാട് സ്വദേശി ചന്ദ്രശേഖരൻ മരിച്ചത്. ഒന്നര വർഷം മുമ്പായിരുന്നു ഇത്. മരിക്കുന്നതിന് ഏഴ് മാസം മുമ്പ് അദ്ദേഹം അൽഷിമേഴ്‌സ് ബാധിച്ച് കിടപ്പിലായിരുന്നു. അന്ന് മുതൽ പഞ്ചറായിക്കിടക്കുന്ന വണ്ടി പുറത്ത് പോലും എടുത്തിട്ടില്ലെന്നാണ് മക്കൾ പറയുന്നത്. ഈ വാഹനത്തിന് പിഴ ലഭിച്ചതിന്റെ ഞെട്ടലിലാണ് ചന്ദ്രശേഖരന്റെ കുടുംബം.
'ഞങ്ങളാരും അച്ഛന്റെ വണ്ടി തൊടാറില്ല. കഴിഞ്ഞ ഒന്നര വർഷമായി വാഹനം പുറത്തേക്കെടുത്തിട്ടില്ല. ഇനി അവർ അച്ഛനെ അറസ്റ്റ് ചെയ്ത് പോകട്ടെ, അല്ലാതെന്ത് ചെയ്യും'- വിനോദ് പറയുന്നു.
Post a Comment