ആയഞ്ചേരി ബസ്സ്റ്റാൻ്റിലെ മാലിന്യം നീക്കം ചെയ്യുക സി പി ഐ സായാഹ്ന ധർണ്ണ നടത്തി

ആയഞ്ചേരി: ആയഞ്ചേരി ബസ് സ്റ്റാൻ്റിൽ കൂട്ടിയിട്ട പ്ലാസ്റ്റിക് മാലിന്യങ്ങൾ ഉടൻ നീക്കം ചെയ്യണമെന്നാവശ്യപ്പെട്ട് സി പി ഐ ലോക്കൽ കമ്മിറ്റിയുടെ നേതൃത്വത്തിൽ സായാഹ്ന ധർണ്ണ നടത്തി. മണ്ഡലം സെക്രട്ടറി കെ പി പവിത്രൻ ഉദ്ഘാടനം ചെയ്തു. എൻ എം വിമല അധ്യക്ഷത വഹിച്ചു. മണ്ഡലം കമ്മിറ്റി മെമ്പർ കെ സി രവി , ലോക്കൽ സെക്രട്ടറി കെ കെ രാജൻ, ഗ്രാമപഞ്ചായത്ത് മെമ്പർ സുധസുരേഷ്,സി വി കുഞ്ഞിരാമൻ, വി ബാലൻ , എ പി ഹരിദാസൻ എന്നിവർ സംസാരിച്ചു. ധർണ്ണയ്ക്ക് കെ കെ ചന്ദ്രൻ, കെ ബാബു,പറമ്പത്ത് സുനിൽ, സി വി പവിത്രൻ എന്നിവർ നേതൃത്വം നൽകി.